踏入社會工作後，比家用係天經地義的事情，但係比幾多就每個人都有唔同既標準！有調查就指出香港人每月比家用既中位數約6，000港元，只不過據永明金融2019年發佈既『養兒防老？港人供養父母調查研究』，退休父母對子女供養金額的滿意程度並非很高，以10分為滿分，滿意程度僅6.9分，而有約40%受訪退休父母認為主動向子女開口取『家用』是一件難堪的事情。
咁究竟退休父母心目中應該要比幾多家用呢？網民的意見分兩批，一方話應高要比10至30%，有網民甚至提出要比一半人工，一齊住起碼要比一半，另一方就表示明白新世代賺錢艱難，比家用隨心，『隨心，俾唔俾都得，最緊要成日返嚟探我陪我食飯陪我傾偈』。
也有網民覺得出來工作，不贊成『一毫子都唔拎番屋企』，『有責任心自然會計數，無責任心就講咩都無用』，另外有網民分析比家用有三個不同階段，『未結婚同住時應比20-30%，未結婚搬出去就比10%，而有家庭搬開住就隨心啦，比就當心意』。
曾經有網民在討論區中列出6個項目給網民參考，以衡量應該比幾多家用：
1. 「由細到大都俾夠零用錢你，放學有得買下M記」(+$1000)
2. 「除必要開支外仲會洗錢係你身上，例如報下興趣班，玩下課外活動，俾錢你去下exchange、交流團」(+$1000)
3. 「每逢過年新衫新鞋走唔甩，隔唔中都會買下嘢送俾你」 (+$1000)
4. 「細個啲利是錢到大個拎得返，無俾父母落格」 ($+1000)
5. 「讀大學幫你出學費，即使自己有返pt，間唔中都會問你夠唔夠錢，唔使你掛住返工無哂u life 」(+$1000)
6. 「由細到大通情達理，唔會下下同你講錢，彼此關係良好」 (+$1000)
其實大部分人都贊同要俾家用，但究竟俾多少才叫公道？相信這個問題不會有一個標準答案！因為每個人既人工都唔一樣，而且都有不同的生活壓力，小編認為『養兒防老』這個觀念已經過時，比家用都係講心意，如果強制性要求子女比一定金額既家用，只會增添佢地既壓力。
