拍拖地雷大集合！
另一半做咗咩令你好想分手？

其實每對情侶拍拖都會經歷好多唔同既問題，因為兩個人既背景、經歷都唔同，所以度過咗一開始的熱戀期之後，就係對真愛既考驗！有網民就出po抱怨自己最近好大壓力、低潮期，但feel唔到另一半陪佢一齊度過緊，於是就問大家，另一半既邊啲行為會令你覺得唔可以行落去？各大網民都紛紛出招分享自己既遇過既奇葩另一半！

有網民先回應樓主：『默默支持、聆聽，簡單講句加油都冇，可以下個，感覺唔到，就可以88』，然後有網民回應『有人最撚憎聽到加油，覺得你呢d局外人，公式咁講句同插多一刀無分別』，小編認為雖然無人想接收人地既負能量，但適當既支持同鼓勵都係必需既，或者可以用另一種方式去表達你既關心，請佢出去食餐勁既都未嘗不可，最緊要係聆聽，需要時都可以比下意見㗎！

其他網民留言：
『計劃既未來無對方』
『淨係著緊自己既事永遠唔諗另一半既感受淨係要人認同佢跟佢果套做』
『話同我一齊咁耐對我好/我的預期令佢好大壓力，問佢拎少少零用錢500蚊到，話我貪錢，發脾氣話我係佢嘅最大負擔』
『少少嘢都好大反應，我同佢講黎緊會同屋企人去旅行，佢會唔比我去，覺得我丟低佢』
『媽寶、玻璃心』

情侶之間磨合好重要，其實都有好多方法可以幫助『建立幸福關係』！