唔知大家覺得兩個人一齊，係咪真係只有愛就得呢？如果性事不合，其實都幾難搞！一名港女就喺Facebook分享自己既感情經歷，指自己認識咗一名1米8既大隻仔，主動出擊追咗兩個月，到玉帛相見既一刻，先發覺原來對方係『芝士腸』！令港女大感失望想分手！
宜家社會性觀念開放，好多人學識享受『性』呢樣嘢，甚至認為係必須品，因為性事不合而分手既情侶都唔少。該名港女就喺Facebook投稿，指自己一直以為男性既下體尺寸與身高有關，佢喺gym room認識咗一位大隻仔，為咗認識佢更做足一個星期Gym，營造『偶遇』，最終用咗2個月時間成功得米！
佢更指男方在過程自我感覺良好，一直問自己『大唔大』，佢當時為免傷男方自尊心只能不斷附和，但其實『牛奶雪條都粗過佢』，完事後男方非常滿足，但港女就空虛無mood。港女就話非常失望想分手，指自己浪費咗幾個月時間，亦慨嘆『所以有啲嘢唔可以睇表面』。
一眾網民睇完就深表同情，形容事件係『人間悲劇』，亦有人覺得性事唔夾就無謂勉強，亦有網民再三強調男性身高、身型同佢既下體尺寸無任何關係，希望大隻仔可以用技巧挽回港女既心啦！
咁因為男人下體尺寸未如理想而分手，係咪好過分好無道德呢？其實都係個人選擇同個人需求，唔洗道德綁架既，不過下體太小或多或少都會影響性生活的質量，所以喺性問題上可以多溝通多磨合，搵到適合彼此既性模式都幾好，真係唔得都可以透過做手術黎解決。而且如果真的彼此喜歡，也能去接受對方身上一啲唔好既面向。
