《三聖邨的Little Mermaid》音樂劇場_IG

風車草劇團災難三部曲最終章
《三聖邨的Little Mermaid》音樂劇場

分享:

繼《米線女戰士》及《通菜街喪屍戰》後,風車草劇團再度炮製災難三部曲最終章:《三聖邨的Little Mermaid》音樂劇場,除了劇團中的三位主腦:梁祖堯、湯駿業AhDee及邵美君外,今次更有韋羅莎(Rosa)、胡麗英及徐天佑加盟演出,有關演出詳情如下:

風車草劇團《三聖邨的Little Mermaid》
演出日期及時間:11-13, 15-20, 22-23.8.2023 [8pm] / 12-13, 19-20.8.2023 [3pm]
演出地點:葵青劇院演藝廳
票價:$490 / $440 / $360 / $280

門票將於5月29日早上10起於城市售票網公開發售
購票網址:http://www.urbtix.hk

由梁祖堯、阮韻珊編劇,梁祖堯、湯駿業導演的《三聖邨的Little Mermaid》,顧名思義,這是一個跟美人魚有關的故事,而向來跟人魚有關的,多數都是童話或是傳說,今次《三聖邨的Little Mermaid》,就混合了來自世界各地的人魚故事元素在其中。阿祖道:「大家都聽過唔同嘅人魚傳說,例如安徒生《人魚公主》講嘅就係人魚公主上咗岸後用聲音換取一對腳返嚟,另外仲有日本都有個傳說,指有個僧侶食咗人魚肉後,有好長嘅壽命,今次個故仔都加入咗唔同地方嘅人魚傳說喺裡面,角色中有匿藏喺人群當中嘅人魚,會有一啲好想捉到人魚嘅人,亦有已經食咗人魚肉變得長生不老嘅人。」這班人走在一起,將會發生一個怎樣的故事呢?阿祖表示,故事會比較黑暗,當中更會探討人性,對應這個急速轉變的大時代,阿祖續道:「呢幾年大家面對疫情,失去好多以前覺得理所當然嘅嘢,而家慢慢復常,喺好多事情上,大家心態上唔同咗,大家可以喺呢個演出裡面探討一下呢個現象。」

猶記得風車草劇團的音樂劇場,都不乏歌舞演出,今次亦不例外,眾人將會在劇中有舞蹈演出,被問到誰是舞蹈擔當,大家都有不同想法,其中AhDee道:「呢個災難三部曲成日要跳舞,for氣氛之餘又的確幾好玩,我哋幾個都係跳得嘅人,睇天佑就知啦!」被嘉許的天佑則另有人選,說:「跳得最好係梁祖堯,我睇佢啲劇成日都跳舞,平日俾人覺得佢唔係好鍾意跳舞,但一有得跳就跳得好落力,仲要好啱beat。」Rosa也和應表示:「當然係阿祖,諗唔到仲有邊個係,非佢莫屬。」阿君則推舉AhDee為跳舞擔當,並認真道:「AhDee佢對自己身體嘅郁動同協調係非常之好,佢一跳舞就會好自然望住佢,大家不妨留意下。」一直都是災難三部曲其中一員的胡麗英,就笑說:「唔使問啦,梗係我啦!我係「手直」㗎!成日同手同腳,跳得最怪一定係我,哈!」至於阿祖,則自認做跳舞擔當,更透露道:「因為我個角色係一個阿伯,一個阿伯點樣跳舞?點跳得好勁?我都未諗得通,所以都好想帶到舞蹈場口自肥一下,但一個阿伯跳舞可以幾好睇呢?到時睇下就知啦!」

說回今次《三聖邨的Little Mermaid》,為了突出主題,眾人都穿起魚尾扮起美人魚來拍攝海報及宣傳短片,當中自然不乏美艷動人的撩人姿態出現,但更多的是爆笑場面,攝影棚內笑聲此起彼落。此外,眾人在談及過去災難三部曲的海報構思時,發現都比較簡單,興之所致大家於是一起擺出五星戰隊及人形蜈蚣的隊形拍攝,怎料完成一刻,大家都一齊抽筋,始發現原來簡單地擺一個動作都好攰呢!

相關文章