《新城勁爆頒獎禮2023》
首創「偶像合照 正在生成」AI遊戲

MaBelle天然鑽呈獻《新城勁爆頒獎禮2023》將於12月30日盛大舉行，今年頒獎禮突破界限，融入數碼創意，以「…正在生成」為主題，代表AI能夠生成無限的可能性，而新城電台亦同樣能夠培養出無數未來備受矚目的巨星。

今年新城勁爆頒獎禮以主題「…正在生成」首創「偶像合照 正在生成」AI遊戲，讓歌迷與歌手利用AI生成獨一無二的合照，拉近與偶像的距離。只要去新城勁爆專頁玩遊戲，可以隨時嬴走總值超過千萬獎品。而為了讓大家率先了解「偶像合照 正在生成」AI遊戲，分別邀請了陳柏宇、馮允謙、王灝兒、炎明熹及泳兒等歌手試玩，由AI即場生成全新「合照」，展現出「…正在生成」的無限魅力。此外，他們更分享最想跟誰「合照」。

陳柏宇選擇與自己的AI人像合照，笑稱平常除了照鏡子外，很少有機會與自己「同框」，所以趁這個機會與自己「打個招呼」。當問及最想與誰合照時，陳柏宇表示最希望能與他未來的女兒合照拍攝一張世紀合照。陳柏宇︰「我最想同成年嘅囡囡合照，好想知佢變成點嘅樣。雖然將來都可以同佢合照，但要以而家靚仔Look合照嘅話，就要靠AI嘅幫助至得。」

馮允謙試玩了AI生成合照後，立刻興奮地大喊「好得意」。馮允謙︰「我一直覺得AI好有趣，所以今次見到張AI生成相之後覺得好得意，一開始覺得唔似自己，但望望吓又覺得有啲似。皮膚變得黑黑實實，個樣又鬼鬼地，變咗好似外國版嘅Jay Fung。」當被問到最希望與誰合照時，馮允謙表示最想與30年後的自己合照。馮允謙︰「我想見30年後嘅自己，想知道究竟會變成點。會變得好成熟？好肥？定係依然好靚仔？之後可以就想同30年後嘅自己Jam歌，叫佢俾啲建議我，點樣可以寫歌寫得好啲、快啲，我而家每逢寫歌都覺得好頭痛，好想可以向30年後嘅自己”偷師”。」

王灝兒選擇與林家謙合成照片，原因竟然是以為可以看到他們的合成BB？！王灝兒︰「我最初以為合成照係同對方合成張BB相，所以我揀咗林家謙，但而家發現原來真係”合照” haha，我想睇同佢合成嘅BB樣多啲。」被問到最想跟誰來一張AI合照，王灝兒表示最想與Rihanna和Beyoncé合照。王灝兒︰「因為我一直都好鍾意佢哋，喺佢哋身上得到好多靈感，即使直接飛去外國睇佢哋嘅Show，都唔可能同佢哋合照，所以如果AI可以幫到我，咁就可以願望成真嘞。」

炎明熹對於現今科技的進步感到非常興奮，特別是AI能夠生成合照，她認為這非常有趣且特別。炎明熹︰「我覺得隨住AI科技越嚟越發達，相信不久將來可以會有更多、更有趣嘅玩法。」當被問到最想與誰合照時，曾被外界稱為「火星女孩」的炎明熹最想與「同類人」合照。炎明熹︰「我最想同外星人合照，原因就係『我是隨意揀一位』，所以就揀同外星人合照。」要揭開外星人的神秘面紗，相信只有「火星女孩」炎明熹才能做到。

泳兒選了跟保錡合照，她笑指這讓她有種「重生」的感覺。泳兒︰「相入面嘅自己好似整過容，帶俾我一種全新泳兒嘅感覺。」當被問到最想與誰合照時，泳兒表示最想與未來的老公合照。泳兒︰「我最想可以同我未來老公合照，雖然我而家唔知係邊個，但憑張相就可以知道我未來老公係邊位。」泳兒這個想法很不錯，如果可以預先知道自己的另一半是誰，就可以早一步去了解對方。