食飯隔離枱攞靈感_IG

食飯隔離枱攞靈感
李靖筠填詞完爆老細:「人類最大公敵就係老細!」

分享:

李靖筠(Gladys)新歌《苛刻》今日(1日)上架,這次除了由一直合作無間的蘇道哲,Gladys亦參與作曲部份,除此之外,rap詞部份,亦由Gladys親自操刀,更是她首次填詞的作品。

出道以來,Gladys參與過不少自己作品的創作,大部份以作曲為主,這次她初試啼聲,首次填詞,而且更是英文rap詞,對她來說絕對是一挑戰,「本身對文字比較弱,所以好少寫字,唔好話英文,其實中文英文,所有文我都係第一次填。我覺得寫rap係好玩啲,因為其實食拍子,唔駛食音,當然英文亦都再容易啲。自己都聽好多呢類型嘅歌,譬如有啲我好鍾意嘅rapper,我會覺得佢啲詞寫得好好,會聽超級多希望攞多少少靈感,或者睇吓人哋點樣寫。」

不過原來一開始Gladys並沒有打算自己填詞,「但係諗極都諗唔到搵邊個寫,諗吓諗吓已經嚟到錄音前兩日,哈哈,大鑊!咁唔係我自己寫都唔得啦,我諗最大嘅困難就係勇氣。」除了勇氣,錄音時亦花上不少時間,因為這次歌曲與她以往的曲風及唱腔均大不同,「以往出嘅歌可能係偏soft或者以情歌為主,但呢首歌內容比較憤怒啲,所以都花咗好多時間去搵一把啱嘅聲,喺vocal上面,對我嚟講係最難錄嘅一隻歌。」

題材方面則來自Gladys日常生活的所見所聞,而職場上遇到的種種,更是大部份打工仔茶餘飯後的話題,「寫完demo後,就覺得首歌係比較襯一啲憤怒啲嘅詞,我就喺度諗,其實平時人類最大嘅公敵就係你老細,永遠出街食飯隔離枱一定係投訴啲老細,即係你淨係鍾意你份人工,唔鍾意你份工。我就覺得,好似大家共同嘅憤怒對象係你公司嘅時候,就不如寫一啲關於咁樣嘅歌。」

相關文章