最近經常聽到一個詞匯叫做『財富自由』，指個人財富在某年齡前已達到一定數量，不用很拼命工作也能夠維持生活。隨著社會的發展，人們更追求工時上的自由，不願再朝九晚六，要求生活與工作平衡。新加坡最近也公布最新就業指引，打工仔有權申請四天工作制，顯示政府與企業放寬辦公室工作要求以挽留人才。自由工作者（Slash族）也由此衍生，年輕人不再滿足於單一職業的工作模式，選擇多重身份，以興趣選擇工作，追求心靈滿足感，時間亦更為彈性。
有港男就以『人類唔適合全職返工』為題出帖，指出現代人奴隸感重，又引用狩獵時代的例子，指以前狩獵的人每天做兩三個小時，冬天休息，認為做一段時間再休息一段時間，這樣的工作模式才算合理。現在的朝九晚六、五天工作、全年無休已接近奴隸制。
帖文一出即引網民鬧爆，指『你注定被淘汰』、「你無錢咪要全職返工，要怪就怪你父母無累積財富」、「狩獵時代做兩三個鐘就得? 你打返嚟啲肉識自己切開？自己自動煮埋畀你食? 打隻雞返嚟已經唔知用幾耐時間，就算打咗返嚟，用現代工具都起碼要半個鐘先搞掂，打到隻牛隻羊要劏幾個鐘添, 點會只做2-3個鐘，反而現代就真係唔使做都得，你日日去M記，去Food court食二手飯就已經可以過活，完全容易過咩狩獵時代農耕時代」
不過，亦有網民讚成po主，指現今全職工作不太化算，『見到啲六日工作都唔開胃，寧願打份Part Time無錢啲都唔想無晒人生，每日就係奴隸咁日日返工返到死」、「人哋外國都玩一星期返四日，香港就…』、『返Part Time或者Freelance基本上一日做幾粒鐘就得，唔使限死你坐定定喺度，好彩做幾份Job已經等於一個月人工，仲可以做其他嘢」、「返工逼車，放工逼車，食Lunch同Dinner都逼等位」
在外國都考慮實行四天工作制的情況下，相反香港（過勞情況全球第二嚴重）、中國內地（朝9晚9、一星期六天工作是常態），例如在廣州，想找到『雙休』的工作（即週六、日休息）幾乎是不可能，內地網民都諷刺的說『眾所周知，廣州雙休是犯法的！』究竟現今社會朝九晚六的固有工作模式能否被追求自由的新思潮打破呢？
